پيريكلي

وبسايت پيريكلي را به آدرس ديگري انتقال دادم

لطف مي كنيد اگر قدم رنجه فرموده و ما را از

 نظرات گرانسنگ خود بهره مند سازيد

همچنين شما در اين آدرس جديد قادر به

عضو شدن  و ارسال اطلاعات خود

(فيلم و عكس و نوشته) مي باشيد و

مي توانيد در آنجا به بحث و تبادل نظر بپردازيد

چشم به راهتان خواهم ماند در:

تاریف ائده نمه ز آز گله ر  دونیادا سؤز ده ردیمه

بیر داغ کیمی قالانیب دیر کؤز اوسته کؤز ده ردیمه

باخ دئشیلیب بو اوره گیمده کی داغین یاره سی

باخیر منه اولوب دیر او بیر آلا گؤز ده ردیمه

چکیب دیر قلبه داغینی منی آتیب گئده نن

چکیب دیر بو گؤزی منیم بیر آلاگؤز ده ردیمه

داغ اه رییه ر چکیلسه کر قلبینه ده ردیم داغی

گونش سؤنر دئسم بيرآن دور گل ده دؤز ده ردیمه

توم عالمین ییغسال گر ده رتلرینی بیر یئره

پیریکلی یم سئچه ره م من  یانارام اؤز ده ردیمه

قوی دیلیم دیش قالا دیندیرمه بو قانلی اوره گی

به له شیب قانینه غم قمچی سی ایله کوره گی

سوبی آخشامه قارین آج خمیر  ال او چالیشیب

آلینیب دیر بئچارانین قابار ال ده ن چؤره گی

یازیلیب آلنینا قاچماق یئتیشمک اؤزگه سینین

هئی قاچیر چاتماییری دارماداغین دیر اته گی

دوزولوب سیفراما قارشیم دا ایچیره م زه هه ری

آوزگه قاچماییب چاتیب دیر یئییر او بال پته گی

8ایل سوواردیغیم باغ دوشوب اغیار الینه

قورویوب گؤز یاشیم ایندی سولوب اومود چیچه گی

قیشقیرانمیر قویویا داغ بویو کؤنلون ده داغی

ویریب دیر سویوق اونون شیشیب بوغازی دیلچه گی

چیخماساداسسی آمما قانیلان یازار سؤزون

آخیری حوسئن قانی تا بدنین ده وار ره گی

پیریکلی دوشمه ز آیاق دان قاچاجاق چاتماسادا

چاتماماق سبب دئییل ترک اولا اوره ک ایسته گی

خالقا تمسخور ائده ر اسگیک سوبدن آخشاما

بؤیوگو تا کیچیلده قوشار اونا آیاما

بونا گؤره کی اؤزون مسخره چی بنذه ده ر

اوجا بورجون یانین دا کالاوالیق بیر داما

چکمک ایچون آشاغی اوجا بورجی اؤزی تک

بیر اوشاق کیمی داشلار اونو گوندوز دن شاما

آمما اونون سؤزلری ده یمه ز بؤیوک اینسانا

نئیله ر بؤیئک ده هنزه بیر دامجی شیشدو داما؟

هوره ر ایت کیمی اسکیک گئچه ر منیم کروانیم

یئل اولسادا نه ائده ر منیم اوجا قایاما؟

قاریشقانین اؤزی نه کلله پاچاسی نولا؟

نئیله ر اونون قول گوجو پیریکلی تک آداما؟

.

.

.هرنه قدر جوک دییه جک لر قوی گیلان کی دئسی لر

کروانا هوره ن ایتین سسی بیر گون کسی لر

یاتما چوبان سورونو سؤکدو قوردلار

داغ دان آشیب ده ره یه چؤکدو قوردلار

دؤشده بیتن بو قیرمیزی لاله لر

دئییر نئچه قانلاری تؤکدو قوردلار

ایل لر دی یانماز بیر کاباب کؤز اوسته

یئییب،گونی گونون دن کؤکدو قوردلار

چوبان اولوب اؤلوم سازینی چالیر

خوش گونلرین دفترین بوکدو قوردلار

یه لیک دوروب سورویه بو آدامجیل

اینسانلیق بوینون دا بیر یوکدو قوردلار...

کیملیگیمیز قیریلدی بیرلیگیمیز  داغیلدی

عؤمور بویو یوخلادیق دیرلیگیمیز داغیلدی...

تولکو الینه دوشدو بو مئشه نین شاهلیغی

بیرلش دیلر تولکی قورد شیرلیگیمیز داغیلدی

اینسان دئدیگون بیر جاناواردی

ظولمه سیتمه بئینی ناواردی

توپلوم دولو بیر سورو داواردی

 بیلمز هارا گلمیش هارا گئده ر؟

 بیر قورد کیمی گؤز گؤزه دوروبلار

 قارداشلارینا  تله  قوروبلار

دیلسیز فاغیرین قانین سوروبلار

 بیلمز نه یه گلمیش نه لر ائده ر؟

 توپلوم دئمه کی سانکی بیر مئشه

 اینسان یئکه داش دیر یاسا شیشه

 یوخدور اومودوم بو کال یئتیشه

 قوردلانیب کال کال آغاشدان دوشه ر

 عیبرت یئلینه کی داغلار اسه ر

اینسان گؤنونه ائیله مز اثر

ایمان دا داها قالماییب کسه ر

ترجیح واریدی موسه لمانا گه بر

 دونیا دئدیگون اویون اویونجاق

 یوخ آدمین ارزیشی قویونجاق

 آچماز گؤزونو قبره قویونجاق

آمما اچاجاق نکیر و مونکر

پیریکلی  تا  یانون دا  اوخ  وار سنون

نه جور گؤرورسن اؤزگه سین ده اینه؟

گؤرورسن کی عئیبون ده چوخ وار سنون

دوزمه اوزگه عئیبینی سن دیلینه

ساچلارووا دوشمه میشدن ده ن اؤزون

یو باش جانووی چیرک لرده ن اؤزون

ایسلاح ائت اووه ل آ گولوم سن اؤزون

سونرا دوروب باشلا سن اؤزگه سینه

ایسته سن دونیایا وئره سن دوزه ن

یا اولاسان هرنه یی نظمه دوزه ن

اووه لجه چیخ بالاخانووی دوز اه ن

سونرا باش چک اؤزگه سینین ائوینه

هرکس ایسلاح ائتسه اؤزونو قارداش

آغارتسا گوناهلاردان اوزونو قارداش

سئچسه یولو گئتسه دوزونو قارداش

دونیا گئدر بوتون یولون دوزینه

==

دئولتین آمما باش چکین ائوینه

باخین اونون ائشیگی نه ائوی نه؟

قورخما سنی باسسالار گر ائوینه

اینسان گرک ناحاققی گؤردی دینه

تاریم سنی آلنیما یازدی منیم

محببتون کؤنلومه قازدی منیم

عئشقووی بیر ده رین ده نیز یاراتدی

اوردا آغلیم لؤتگه تک آزدی منیم

بو دریادا ساحیلی آختارمارام

بوغولماغا عاغلیم دا بازدی منیم

"دو" "رئه" "می" "فا" بیلمز نوت لاری سنسن

دؤشوم سندن چالان بیر سازدی منیم

او چالیر من اوخورام اوره گ اوینور

داماغیم چاغ کئفیم ده سازدی منیم

بولبول لر اؤته ر من ایلن چیمن ده

گول لر آچیب باغیمدا یازدی منیم

من له آیریلمادان سؤز آچما گؤزه ل

آنلامارام آغلیم دایازدی منیم

پیریکلی یم عئشقون منه بس دی بس

قانییام من تاماحیم ؟آزدی منیم

وئر گؤزه لیم سن بو شئییره نظه ر

نقد و نظه ر دی کی شئییری بزه ر

پیریکلی شئعری بیر ده رین ده نیز دیر

اون دا فقه ت عاشیق اولانلار اوزه ر

آباد ائده ر اوره ک لر ائوین سؤزی

ایشیق دیر او قارانلیق لاری گزه ر

بو گو هرین قه درینی بیلمه ز هرکس

جینس تانییان لار اونو بوینا دوزه ر

سؤزلری دوست اوره گینه دی مرهه م

دوشمنین آمما اوره گینی اوزه ر

تا آچار آغزین شئییرین سؤیله سین

سن گؤروسن بال دی دوداق دان سوزه ر

مودده عی ده ن وه فا اونا جفادی

یارین آمما جفاسینا چوخ دؤزه ر

قارداش بیزه ده باش چک

کؤنلوموزه شادلیق اک

قویما اؤزگه ائلین ده

بو قارداشون قالا تک

     ===

گؤز تیکمیشم یولوزا

ائویمه بیر گله سیز

باشیم قویام قولوزا

دردیمی سیز بیله سیز

پیریکلی نی اونوتماگل  ائوینه سن گؤیلین آل

بو شاعیرین کؤنلونه سن نظرون له ایشیق سال

 او شاعیرلیک مکتبین ده تزه الیف باشلاییب

بلکه سیزین نقد و نظر له  گلیب اولسون او  دال

اونوتما یاریم  یارووی  اونوتما

من ده دی یارون یارووی اونوتما

آیریلالی بیز ده یارالانمیشیق

سن ده آیریلیق یارووی اونوتما

داریخجاغین آچ اوخو دیوانیمی

اوردا تاپارسان چارووی  اونوتما

غم لرووی ساز ایله چال عالمه

تاخچادا توزلو تارووی اونوتما

غم ده کدر ده بیری وار بیز ایلن

باش اوسته کی سن تارووی اونوتما

کسیب سن عئشقون سویونو سولموشام

من تک  آغاج دا  بارووی   اونوتما

سن ساری گول ساری توزا دولوبسان

توزون   آوانی   آرووی   اونوتما

چوخ دان قاتیبسان یار آرانی من له

عؤمور گئچیر چات آرووی اونوتما

سن دن اوزاق غم منی قاریدیب دیر

سن بو قوجانی قارووی اونوتما

اتک لرده گول لره باشون قاتیب

داغ دا اریین قارووی اونوتما

پیریکلی محکوم اولوب اول عئشقووه

آت   بوغازینا   دارووی   اونوتما

قار دان بوران دان منی قورخوتما سن

ایسلانمیشیم سو دان قورخو یوخوم من

وئیجیمه یوخ چؤرک دی بو سو دی دن

قارنیما داش باغلامیشیم توخوم من

==

آجلیق سوسوزلوق منی یول دان ائتمز

نئچه قیلیج ده یمه سی قول دان ائتمز

ساغیم دان ائتسه ده او سول دان ائتمز

تک دئییلیم بیر میللتیم چوخوم من

==

ده یمه منه گیرملی کول دئییلم

آتاسینی دانمیش اوغول دئییلم

ساتقین اولوب دوشمنه قول دئییلم

اونون گؤزون ده زهریلی اوخوم من

==

گرک دیر اؤز خالقیما جان اولوم من

اورگینه آخان بیر قان اولوم من

بیر قاراسئودا سرطان اولوم من

دوشمنین شیرین جانینا اوخوم من

==

پیریکلی یم گئجه سونون دا بیر دان

گوندوزی موشدولوق وئرن بیرجه بان

آزادلیق دان ایستیقلال دان شادلیق دان

سپره م اؤز یوردوموزا توخوم من

یازی قار دان ائله ییب دیر دونیا

یاری یار دان ائله ییب دیر دونیا

یوخی وار دان ائله ییب دیر دونیا

واریمی یوخ ائله دی منیم فلک

نئچه جیب لر بوش ائدیب دولدوروب او

گول لری آچمامیش دان سولدوروب او

ساغ دا دورسام ترسیمه سول دوروب او

من ایلن دوز دئمه دی هئچ بو کلک

قارداشی قارداشا دوشمن ائله ییب

بیزی بیز دن آییریب من ائله ییب

دوز یولون دار ایرینی گن ائله ییب

شئیطانا حاق گئیدیریب ائدیب ملک

ائدیب او ناشینی اوستالارا باش

دلی اولموش توپلوم اوزوگونه قاش

اولسا پولون قیزیل سان اولماسا داش

گئچیردر   ایرینی   فقط   بو   الک

پول دی دولاندیریر دونیا مدارین

اولماسا پیریکلی آجدی قارین

پولدی یووار گوناهسیز لار قانلارین

ائدیب پولو حاق اوشاغینا بلک

تورک دوغولموشام تورک اؤله جییم

عؤمرومو  ائلیم له   بؤله  جییم

اؤلونجه   اورک دن   گوله  جییم

دانیشسا  ائلیم  آنا  دیلین ده

اونوتماسا دؤللر آتاسینی

چاغیرسا دیلینده آناسینی

سیلسه اورگینین آیناسینی

تاپار کیملیگینی اؤز ائلین ده

ز داغ دشمنان به دل داغونم

کشیده یار به قلب من داغ اونم

گشته یکی دشمن و دوست من وای

ویران ز دستشون دل داغونم

نمی دونم کی راست می گه کی دروغ

نمونده   تو   چشمای   مللت   فروغ

هر دو یه کرباسن این سر و اون ته

فرقی ندارن از شیرن ماست و دوغ

آنا یوردوم آذربایجان

سن سن منیم جانیما جان

سن منیم سویوم چؤرگیم

نفسیم ،داماریم دا قان

سن ایرانین اورگی سن

دونیایا دا  اورک   ایران

باغلاروندا اؤتسون قوشلار

داغلارون دا گزسین جئیران

قالخیزدیریب عرشه باشون

"سهند"ون ایله "ساوالان"

بو چالیشقان میللتون له

گونی گون دن اوجالاسان

مرد اوغول لارون اویاق

دوشمن لردن باج آلاسان.....

                                      (پیریکلی)

دور آذربایجانین مرد اوغلو دور ...

تورکجه یازیرام تورکوسو بیلسین

فارسی دیلینی بئیین دن سیلسین

قویسون    یئرینه    اؤز آنا   دیلین

اؤز    کیملیگینه  ائل نه   اییلسین

قوربان  سنه  دیل لر   آی   آنا دیل

سن دیل لره باش شیرین بی دیلسین

سن  کؤک لو   کؤتوک لو   بیر هوییت

حاشا  کؤتوگون    چاغ دا    ازیلسین

کیمسه    کؤتوگون   بالتالاسا    گر

بالتاسی   دؤنوب  باشینا    گلسین

هئچ  واخت  آپارانماز  سنی  سئل لر

سن چاغ چایینا آخان بی   سئلسین

تا  وار بو جهان سن ده یاشارسان

ائل لر تاجی سن گوجلو بیر ائلسین

بیر    ثانیه  دیر     سنون     یانوندا

ائل لر، سن اؤزون یوز ایل  مین ایلسین 

 هر دیل  بی  زامان گئدیب پیریکلی

دئه:   تورکو   دیلیم   ابد ،    ازلسین